Հաճախակի տրվող հարցեր
«Ո՞վ է ուզում դառնալ միլիոնատեր» խաղի երկրորդ տարբերակը
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
Թարմացվել է ArmRadio հավելվածը և ադապտացվել մեքենաների համար

Թարմացվել է ArmRadio հավելվածը և ադապտացվել մեքենաների համար


Վերջերս Հայաստանում զգալիորեն աճել է չինական էլեկտրական մեքենաների քանակը, որոնցում հաճախ անհրաժեշտ է տեղադրել լրացուցիչ Android հավելվածներ, որպեսզի գոնե հնարավոր լինի լսել օնլայն ռադիոկայաններ։ 

Հավանաբար շատերդ արդեն օգտագործում եք ArmRadio հավելվածը, որը տարիներ առաջ ստեղծվել էր որպես Google Chrome հավելված, իսկ հետագայում դարձավ հասանելի նաև որպես Android հավելված։ 

Հավելվածը երկար ժամանակ չէր թարմացվել, ինչի արդյունքում առկա էին մի շարք ծրագրային և ինտերֆեյսի հետ կապված խնդիրներ։ Ուրախ եմ տեղեկացնել, որ այժմ հավելվածը թարմացվել է և ներառում է մի շարք նոր ու վերամշակված գործառույթներ։ Ամենակարևոր փոփոխություններից մեկը ինտերֆեյսի թարմացումն է․ այն ադապտացվել է մեքենաների և պլանշետների էկրաններին, ավելացվել է մուգ թեմա, ինչպես նաև ներդրվել է լոգոների սալիկներով ինտերֆեյս (նախկինում հասանելի էր միայն ցուցակը)։ 


Մյուս նորությունն այն է, որ արդեն հասանելի է նաև http://radio.armblog.net/ կայքը, որտեղ կարելի է անմիջապես ինտերնետ դիտարկչում լսել ռադիոկայանները։ Այսինքն՝ եթե ձեր մեքենայում կամ այլ սարքում (օրինակ՝ iOS) հնարավոր չէ տեղադրել Android հավելվածներ, կարող եք օգտվել վեբ տարբերակից։ 


Android սարքերում հավելվածը կարելի է ներբեռնել ինչպես Google Play-ից, այնպես էլ Aurora Store, RuStore, Huawei AppGallery-ից։ Հասանելի է նաև APK ֆայլը ներբեռնելու և ինքնուրույն տեղադրելու տարբերակը։ 

Եթե նույնիսկ ձեր մեքենայում չկա Android օպերացիոն համակարգ, բայց այն ունի Android Auto, ապա վերջին թարմացումը թույլ է տալիս օգտվել հավելվածից նաև Android Auto միջավայրում։ Այս գործառույթը դեռ փորձնական բետա փուլում է, այնպես որ հնարավոր են որոշակի խնդիրներ: 


Նշեմ, որ հավելվածը որևէ շահույթ չի հետապնդում և չի պարունակում ոչ թաքնված, ոչ էլ բացահայտ գովազդ:

 Ահա հավելվածի հիմնական առավելությունները՝ 
✓ Անվճար և առանց գովազդների 
✓ Աշխատում է ֆոնային ռեժիմում 
✓ Բոլոր հայկական օնլայն ռադիոկայանները՝ ավտոմատ թարմացմամբ 
✓ Սպիտակ և մուգ ինտերֆեյս 
✓ Ցանցային կամ ցուցակային ադապտիվ դասավորություն 
✓ «Ընտրյալներ» ցանկ 
✓ Կառավարում մեքենայի ղեկի և Bluetooth կոճակների միջոցով 
✓ Սեփական ռադիոկայաններ ավելացնելու հնարավորություն ✓ Android Auto միջավայր 
✓ Հասանելի է հայերեն, ռուսերեն և անգլերեն լեզուներով 

Ուրախ կլինեմ լսել ձեր կարծիքներն ու առաջարկները հետագա թարմացումների համար։
 Կարդալ ավելին
Ամբողջովին թարմացվել է ArmRadio հավելածը

Ամբողջովին թարմացվել է ArmRadio հավելածը


Armblog.net-ի երկարատև դադարի ընթացքում ամբողջովին թարմացվել է նաև ArmRadio բջջային հավելվածը, որով կարող եք Android համակարգում լսել հայկական բոլոր օնլայն ռադիոկայանները մեկ վայրում: Թարմացված տարբերակի գլխավոր առանձնահատկությունն այն է, որ այն այլևս չի անջատվում ֆոնային ռեժիմում լսելու ընթացքում: Առավելություններից է նաև այն, որ ռադիոկայանների ցանկը դինամիկ է և ռադիոկայանների ցանկը պարբերաբար կարող է փոխվել առանց հավելվածը թարմացնելու, ինչը թույլ կտա հեշտ լուծել ժամանակի ընթացքում չաշխատող կայանների հարցը:

 Կարդալ ավելին
Թարմացվել է ArmRadio հավելվածը: Այն արդեն հասանելի է նաև Huawei Store-ում և Edge դիտարկչում

Թարմացվել է ArmRadio հավելվածը: Այն արդեն հասանելի է նաև Huawei Store-ում և Edge դիտարկչում


Վերջապես կարողացա ժամանակ տրամադրել և թարմացնել Անդրոիդ հեռախոսների համար նախատեսված ArmRadio հավելվածը, որտեղ շտկվել են չաշխատող ռադիոկայանները: Այս թարմացումը վերաբերում է նաև Google Chrome-ի Chrome Radio Player հավելվածին:


Նշեմ, որ փոփոխություններն այսքանով չեն սահմանափակվում: Ինչպես գիտեք վերջին մոդելի Huawei սմարթֆոններում բացակայում է Google Play Store-ը և այնտեղ կա առանձին Huawei App Gallery խանութ: Այսօրվանից ArmRadio հավելվածն արդեն հասանելի է նաև այդ հարթակում:


Անմասն չի մնացել նաև Edge ինտերնետ դիտարկիչը, որը Microsoft-ն ամեն կերպ ուզում է ներդնել Windows 10-ում և ստիպել օգտատերերին դրանից օգտվել: Վերջերս այս դիտարկիչն անցավ Chromium պլատֆորմի, ինչը թույլ է տալիս հեշտ տեղափոխել Chrome-ի հավելվածները Edge-ի վրա: 


Այսպիսով այսօրվանից Edge-ի հավելվածների խանութում կարող եք անվճար գտնել Edge Radio Player հավելվածը:

 Կարդալ ավելին
ArmRadio հավելվածում ավելացել է «Ընտրյալներ» բաժինը

ArmRadio հավելվածում ավելացել է «Ընտրյալներ» բաժինը



Բազմաթիվ օգտատերերի խնդրանքով ArmRadio հավելվածում ավելացրել եմ «Ընտրյալները» բաժինը, որտեղ հնարավոր է տեղադրել սիրելի ռադիոկայանները և հետագայում ավելի հեշտ գտնել դրանք: Հիշեցնեմ, որ իմ կողմից ստեղծված ArmRadio հավելվածով կարող եք օնլայն ռեժիմով լսել հայկական ռադիոկայանները: Հավելվածն աշխատում է Android 4.1-ից բարձր բոլոր հեռախոսների վրա և պահանջում է ինտերնետ կապի հասանելիություն: Հավելվածն աշխատում է նաև ֆոնային ռեժիմում:

 Կարդալ ավելին
ArmRadio հավելվածով կարող եք լսել հայկական օնլայն ռադիոկայանները

ArmRadio հավելվածով կարող եք լսել հայկական օնլայն ռադիոկայանները



Հարգելի այցելուներ, Ձեզ եմ ներկայացնում իմ կողմից ստեղծված երկրորդ Անդրոիդ հավելվածը, որի միջոցով կարող եք օնլայն ռեժիմով լսել հայկական ռադիոկայանները: Սա փաստորեն Google Chrome-ի համար նախատեսված Chrome Radio Player-ի Անդրոիդ տարբերակն է: Հավելվածն աշխատում է Android 4.1-ից բարձր բոլոր հեռախոսների վրա և պահանջում է ինտերնետ կապի հասանելիություն:



★ Ամբողջովին անվճար է
★ Աշխատում է նաև Ֆոնային ռեժիմում
★ Կարող եք միանգամից Shazam-ով գտնել երգերը 
★ Պարունակում է ավելի քան 30 ռադիոկայաններ

 Կարդալ ավելին
Chrome Radio Player հավելվածը նորից աշխատում է

Chrome Radio Player հավելվածը նորից աշխատում է


Վերջերս ստանում էի բազմաթիվ նամակներ, որ չի աշխատում Google Chrome ինտերնետ դիտարկչի համար նախատեսված Chrome Radio Player հավելվածը: Պարզվում է, որ պատճառը Google Chrome-ի վերջին տարբերակն է: Այս տարբերակում Google-ի մասնագետները ինչ-որ բան փոխել են և մի շարք հավելվածներ այլևս չեն աշխատում: Խնդիրը հայտնաբերելուց հետո կարիք առաջացավ փոխել հավելվածի ներքին ֆունկցիոնալությունը և այն առայժմ աշխատում է նաև Chrome-ի նոր տարբերակների վրա: Chrome Radio Player հավելվածի նոր տարբերակը տեղադրվում է ավտոմատ: Անհրաժեշտ է ընդամենը փակել և նորից բացել Google Chrome դիտարկիչը: Եթե ուզում եք համոզվել, որ օգտագործում եք նոր տարբերակը, ապա այցելեք chrome://extension բաժինը և ստուգեք հավելվածի տարբերակը: Այն պետք է լինի 3.4 կամ ավելի բարձր:

Հիշեցնեմ, որ հավելվածի միջոցով հնարավոր է լսել հայկական և ռուսական օնլայն ռադիոկայանները անմիջապես ինտերնետ դիտարկչում և միաժամանակ այցելել ինտերնետային կայքեր: Հավելվածից օգտվելու համար բավական է ընդամենը սեղմել դիտարկչի վերևի անկյունում գտնվող կոճակը և ընտրել ռադիոկայանը: Եթե նախկինում չեք օգտվել այս հավելվածից, ապա կարող եք սեղմել ներքևի կոճակը և տեղադրել:

 Կարդալ ավելին
Փոփոխություններ Chrome Radio Player հավելվածի նոր տարբերակում

Փոփոխություններ Chrome Radio Player հավելվածի նոր տարբերակում



Վերջապես թարմացրեցի Google Chrome դիտարկչի համար նախատեսված Chrome Radio Player հավելվածը: Հիշեցնեմ, որ այս հավելվածի միջոցով հնարավոր է լսել հայկական և ռուսական օնլայն ռադիոկայանները անմիջապես ինտերնետ դիտարկչում և միաժամանակ այցելել ինտերնետային կայքեր: Հավելվածից օգտվելու համար բավական է ընդամենը սեղմել դիտարկչի վերևի անկյունում գտնվող կոճակը և ընտրել ռադիոկայանը: Հավելվածի նոր տարբերակում (3.0) կատարվել են մի քանի արտաքին և ներքին փոփոխություններ: Ամբողջովին փոխվել է հավելվածի ներքին կառուցվածքը, որի շնորհիվ ծրագրի աշխատանքը համարյա 50%-ով արագացել է: Վերացվել են նաև մի քանի ռադիոկայանների հետ կապված խնդիրները:
 Կարդալ ավելին
Chrome Radio Player-ի նոր տարբերակում ավելացվել է անգլերեն լեզուն և վերացվել են թերությունները

Chrome Radio Player-ի նոր տարբերակում ավելացվել է անգլերեն լեզուն և վերացվել են թերությունները


Եթե սիրում եք ռադիո լսել և դեռ չեք տեղադրել Chrome Radio Player հավելվածը Google Chrome ինտերնետ դիտարկչի վրա, ապա մեծ բան եք բաց թողել :) Այս հավելվածի միջոցով կարող եք ընդամենը մկնիկի մեկ քլիքով լսես Ձեր նախընտրելի ռադիոկայանը և միաժամանակ այցելել ինտերնետային կայքեր կամ կատարել այլ գործողություններ: Վերջերս նկատեցի, որ հավելվածից օգտվում են նաև արտասահմանցի օգտատերեր և որոշեցի հայերեն ինտերֆեյսից բացի ավելացնել նաև անգլերենը: Բացի այդ նոր տարբերակում վերացվել են մի քանի փոքր թերություններ: Եթե արդեն ունեք տեղադրված այս հավելվածը, ապա Google Chrome-ը փակել բացելուց հետո այն ավտոմատ կթարմացվի, իսկ եթե չունեք, ապա ներբեռնեք ներքևի հղումից:

 Կարդալ ավելին
Նոր հավելված Google Chrome-ի համար: Լսեք հայկական և ռուսական ռադիոկայաններն օնլայն

Նոր հավելված Google Chrome-ի համար: Լսեք հայկական և ռուսական ռադիոկայաններն օնլայն



Վերջապես ավարտին հասցրեցի Google Chrome ինտերնետ դիտարկչի համար նախատեսված Chrome Radio Player հավելվածը,  որի միջոցով հնարավոր է լսել հայկական և ռուսական օնլայն ռադիոկայանները անմիջապես ինտերնետ դիտարկչում և միաժամանակ այցելել ինտերնետային կայքեր: Հավելվածից օգտվելու համար բավական է ընդամենը սեղմել դիտարկչի վերևի անկյունում գտնվող կոճակը և ընտրել ռադիոկայանը: Հավելվածն ունի նաև ձայնի կառավարման կոճակներ և ինֆորմացիոն վահանակ, որը ցույց տալիս տվյալ պահի դրությամբ ռադիո նվագարկչի կարգավիճակը:


Ինչպես ArmblogTV ծրագրում, այստեղ նույնպես ռադիոկայանների ցանկը դինամիկ թարմացվում է: Այսինքն հավելվածը մեկ անգամ տեղադրելուց հետո այլևս կարիք չի լինի այն թարմացնել, որպեսզի տեսնեք նոր ռադիոկայանները: Դրանք ժամանակի ընթացքում ավտոմատ կավելացվեն և չաշխատող ռադիոկայաններն ավտոմատ կվերականգնվեն:



Հավելվածը ներառում է հետևյալ ռադիոկայանները՝
Ավրորա, Լավ Ռադիո, Լրատվական Ռադիո, Հայ FM, Հայրենիք, Հանրային Ռադիո, Պաշտէ, Ռադիո AGA, Ռադիո AYK, Ռադիո Երևան, Ռադիո Մաո, Ռադիո Հայ, Ռադիո Հայ Bard, Ռադիո Հայ Folk, Ռադիո Հայ Jazz, Ռադիո Հայ New Age, Ռադիո Հայ Rabiz, Ռադիո Հայ Retro, Ռադիո Հայ Rock, Ռադիո Հայ Tales, Ռադիո Յան, Ռադիո Ջան, Ռադիո Վան, Ռադիո Սևան, Քրիստոնեական, Armenian Gospel Radio, Armenian Pulse, Armenie, Ayp-FM, FM 107, KavkazFM-Հայաստան, Nareg FM, Voice of Van, Yerevan Nights, Русский Хит, Русское Радио, Хит ФМ, Ди-ФМ, Авто Радио, Премиум, Пассаж, Мега, Ваня, Дорожное, Наше Радио, Эхо Москвы, Юмор ФМ, Релакс FM, Романтика, Радио 13, Зайцев.FM Диско, Пионер FM, Маяк, Натали, Кабриолет, Шторм, Европа Плюс, Импульс


Հավելվածը տեղադրելու համար այցելեք ներքևում նշված էջը և սեղմեք ADD TO CHROME կոճակը: Վերջում չմոռանաք Review բաժնում գնահատել ու հայտնել Ձեր կարծիքները:
 Կարդալ ավելին
Դեմոտիվատորներ պատրաստող հեղինակային ծրագիր: Demotivator Creator

Դեմոտիվատորներ պատրաստող հեղինակային ծրագիր: Demotivator Creator



Ինտերնետում այժմ շատ հաճախ կարելի է հանդիպել տարբեր մարդկանց կողմից պատրաստված հումորային և այլ թեմաներով դեմոտիվատորներ: Եթե ցանկանում եք մի քանի վայրկյանում պատրաստել Ձեր հեղինակային դեմոտիվատորը, ապա կարող եք օգտագործել իմ կողմից պատրաստված այս ծրագիրը: Այն իրենից ներկայացնում է դեմոտիվատորի պատրաստի շաբլոն, որտեղ անհրաժեշտ է ընդամենը տեղադրել լուսանկարը, գրել վերնագիրը և բացատրությունը: Պատրաստելուց հետո սեղմեք Ctrl+S և պահպանեք այն որպես լուսանկար: Եթե ծրագիրը չի բացվում Ձեր համակարգչի վրա, ապա տեղադրեք .Net Framework 4.0:

 Կարդալ ավելին
Subscribe to: Posts (Atom)